雨僑生日呻羅力威無送禮
昨日生日的雨僑（前名羽翹）、鍾一憲（Jason）、麥貝夷（Karene）跟賈曉晨（JJ）出席商場活動，問到壽星女雨僑男友羅力威可有與她慶祝？她說：「邊有男朋友呀？（之前影到你哋拖手，羅力威都默認咗。）唔係啦，我哋都無拖手，係角度問題。（咁佢有無表示？）佢忙緊音樂會，都無送到禮物畀我。」似乎怨男友唔識做。問及改名是否風水師傅的意思，她笑說：「公司安排嘅。」
另外，問到Jason何解嘴唇爆瘡？他坦言：「我之前去酒吧，個調酒師加咗啲壯陽嘅嘢入杯酒到，搞到我補得滯，最近仲成日發夢！」Karene就取笑他：「咁大隻，使乜壯陽呀！」至於剛剛分手的JJ，就表示自己年紀唔細，是時候為自己的未來打算，因此開始考慮身邊的異性朋友。
