JC 30 歲後生B
「警鐘胸」女模Jessica C.（JC）昨日化身卡通《聰明笨伯》中的女主角「慧瑪」出席商場活動，騷纖腰及長腿，與小朋友大玩遊戲。JC笑言見到小朋友十分開心，並想起小時候跟妹妹玩的開心片段，問她何時會有自己的小朋友？她苦笑說：「我依家連男友都未有，或者30歲後會生B，但暫時以事業為重。」
JC透露將於下周到洛杉磯休息及搬屋，十月便返港，又稱有意學功夫：「學功夫對拍戲有幫助，我想做打女，向難度挑戰，（目標係咪成為Maggie Q？）想似佢，但又想同佢唔同。我最想演蝙蝠俠入面貓女嘅角色，好型！」
