鍾鎮濤囡囡暑期去交流
鍾鎮濤（B哥哥）與囡囡鍾懿、羅力威、鍾舒漫等人昨日出席《愛心滿東華醫療服務捐助計劃》啟動禮，B哥哥自言剛從台灣坐早機回港：「我去嗰邊宣傳國語碟，囡囡去參加暑假交流班！」提到政府推行國民教育科，他表示：「我覺得推行得太急，應該要了解多啲先！（鍾懿學校有推行？）佢讀國際學校，所以唔使讀！」
另外，問到羅力威日前被本報踢爆與緋聞女友羽翹煙韌拍拖，他回應：「嗰日係同佢食飯，（幫佢拎手袋？）呢啲係基本男仔風度！（買羽翹新書？）有咩完咗音樂會先講！」他表示下月的音樂會未知羽翹會否出席，但會透過助手邀請各好友。