Rainbow獻飛吻 鍾情八両金
胡心諾（Rainbow）輕露事業線及纖腰，輕鬆揮低打扮密實的謝芷蕙（Cammi）。兩位聲稱擇偶不着重外表的美女，與八両金同場時不但賣口乖讚他親切，更與他擺出不同甫士及獻上飛吻，非常合拍。
o靚模胡心諾（Rainbow）、謝芷蕙（Cammi）及八両金昨日以cosplay 造型出席動漫節。以低胸露腰裝上陣的Rainbow，露出三吋事業線，把打扮密實的Cammi比下去。她們即場與八両金大擺甫士拍照，更向他獻上飛吻。問到她們對八両金有何看法？Rainbow即大讚對方親切，續說：「佢同我講咗好多拍戲嘅趣事，係個好前輩。（佢夠風趣，好吸引？）佢好正經o架。（外形呢？）都OK，夠特別，我鍾意。其實揀男仔外表唔重要，最緊要有內涵。」而Cammi亦表示自己不重外表，擇偶條件為孝順及成熟。
教囝囝性知識
而八両金又與囝囝葉小霆一同現身，他爆囝囝很受女同學歡迎。雖然囝囝目前仍是單身，但八両金強調自己早已向囝囝灌輸性知識。他說：「太早搞嘢唔好，如果冇事業又有咗餡都唔知點算。」
另外，o靚模Naomi（馮鎵瀠）以性感cosplay打扮現身動漫節，她表示是次專誠為舞台劇拍攝宣傳短片，並預告舞台劇中不乏親吻場面。而同樣有出席動漫節活動的歌手連詩雅表示未試過Cosplay，以前男友亦未曾有此要求：「就算要求我都唔得，而且我身材唔係玲瓏浮凸。」
文：名人組