李蘊公開變靚秘密
多棲藝人李蘊（Renee）除有可愛的臉孔，更有弗爆魔鬼身材！私底下的Renee一向喜歡用手機影低身邊的可愛事物與大家分享，今次她將公開自己的秘密，並向觀眾細說這些年！
Renee出名同歌手G.E.M.老友鬼鬼，兩人經常孖住行街。Renee笑言是緣分的安排：「我哋識咗七年啦！我喺G.E.M.歌唱比賽嗰時訪問佢所以識佢，後尾一齊拍《愛出貓》，仲喺半年前跟佢一齊返教會。如果G.E.M.喺香港嘅話，我會成日去佢屋企同用佢啲嘢，因為大家同星座所以好夾！」
i瘋獵影
天生麗質的Renee無懼素顏示人：「平時化得太多妝啦，都要畀啲時間皮膚抖下氣！我依家有Keep住做facial，都有做激光脫面毛，唔係影相會唔靚！我平時多數用清水洗面，本身皮膚敏感，最緊要搽防曬油，我好驚生雀斑！」
近期為出性感寫真而積極減磅備戰的Renee，原來秘密武器在此––西柚！貪靚的Renee笑言：「一日可以減一磅！我通常Keep住食一個禮拜，再停一個禮拜，再食一個星期。不過要記住食飯之後先好食，唔係對個胃唔好o架！」