周汶錡驚小器 拒提九月結婚
周汶錡（Kathy）前晚與妹妹周麗淇（Niki）結伴出席派對，Kathy甫到場即被追問她將於九月跟法籍男友Julien到法國結婚的傳聞，她說：「都講咗年幾兩年o架喇，我都冇答過。（話你揀埋婚戒？）冇啲咁嘅事。（係咪結咗先講？）有得結先講，結咗先算。（要搶舊愛杜德偉閘？）我冇講過。」
而身旁的Niki就表示一定會當家姐的伴娘，問她將來結婚會否像家姐般神秘？Niki說：「唔會特別講，驚小器。（家姐唔講係驚小器？）我覺得啫。」雖然Kathy堅持不肯回應是否九月結婚，但她全程甜笑，當問她揀了婚紗未，她明顯轉了口風：「未諗到。（點解喺外地結婚？）我冇講，唔好逼我。開心事嚟嘅，我會承認。」再問她是否做秋天新娘時，她不禁甜笑點頭默認。