張智霖︰唔俾就離婚
張智霖、吳鎮宇、陳法拉、胡杏兒與羅仲謙等人，昨日出席劇集《衝上雲霄II》的開鏡拜神儀式，老闆陳國強、高層樂易玲和區偉林親臨撐場。張智霖表示戲中飾演風流機師，當問到是否已得太太袁詠儀批准？他說：「唔畀我就離婚呀！（找她客串？）佢好忙，去咗第二度工作，唔係我使走佢o架！（搵索女？）索女喺心裏面嘅，最索咪我老婆囉。」在旁的吳鎮宇鬼馬地叫他到書展找o靚模客串。相反，吳鎮宇透露劇中得一個女埋身，他說：「我得一個契女梁靖琪，仲要係監製個女，佢仲要係結咗婚。我都要避忌啲怕傳媒亂寫。（教吓後輩？）掃後背同教後輩都唔好。」
吳卓羲缺席
另外，飽受情變困擾的吳卓羲，昨日因病缺席開鏡，劇中與他飾演一對的胡杏兒說：「唔好咁啦，可能佢真係好Hurt呢。如果係真，劇入面我畀多啲愛佢，男仔要拎得起放得低。」而同場的馬國明否認與曾華倩翻撻。
文：影視組
