Mia寫真賺夠一露好走
昨日是書展最後一日，模媽陳靜儀（Mia）作最後衝刺，穿吊帶低胸短裙出席祝捷會時大晒五吋事業線。她坦言「有頭髮邊個想做瘌痢」，拍寫真賺夠錢後，有意轉型拍電影，不想再影性感寫真。
模媽Mia與同門師妹澳洲新八模其中六位成員，昨日出席寫真祝捷會。Mia以吊帶低胸短裙上陣，大騷五吋事業線及長腿，實行於書展閉幕前最後一露攞尾彩。
轉型拍電影
Mia表示其寫真印了二萬多本，在大陸、台灣和日本銷量不俗。問是否已賺夠奶粉錢？她點點頭說：「兩個小朋友要讀小學，為咗佢哋嘅將來，我想儲多啲錢。」她坦言正嘗試轉型拍電影：「有頭髮邊個想做瘌痢？邊個想着到咁性感畀人睇？呢幾年都係市場需求。」同場的澳洲新八模成員Toshika及Wendy分別表示希望與偶像林峯及吳彥祖合作，更揚言不介意拍床上戲。
另外，Elise、Elke及Ar Yu昨日出席另一活動，三女自稱寫真銷量不錯，將加印到大陸及台灣發售。提到黃榕即場脫下泳褲送給粉絲，她們不屑地說：「好意識不良，始終將女人貼身嘢送畀其他人，影響呢一行所有人，令人睇到我哋好負面。」
Ar Yu續說：「好難接受將着過嘅泳褲送畀人，好唔衞生，送畀男友就OK。」提到Mia打o靚模小人，她們繼續寸嘴說：「好冇禮貌、好冇品，佢有產後抑鬱！都生過仔，就唔好做小動作，仲咁細路仔o架！」
文：名人組