楊洛婷昨晚為Loewe活動擔任司儀，笑問記者可覺得她身材勁了？她打趣地說：「僭建咗少少，戴咗個超級size bra。（升咗幾多級？）我原本已經好勁喎！」
問她有冇諗過僭建？她說：「我男友媽咪個朋友想僭建，叫我介紹醫生，點知我男友媽咪好輕鬆咁叫我可以試吓僭建，但我冇諗過。（隆胸最大得益者係男人？）我識啲男仔鍾意自然。我有朋友嘅朋友隆胸後搭飛機時爆咗，又有朋友喺韓國隆胸隆到鎖骨位要拆彈，我見到佢哋咁都唔敢僭建，覺得佢地好慘，整出嚟唔靚又有副作用。」
