阿澤冇錢交租 跪求搵外快

杜汶澤接受電視台深情訪問,提到早前重病曾有一刻因呼吸發生問題,差點踏進鬼門關。談到以往在電視台捱窮的日子,他自爆曾因欠租三個月,向經理人下跪換來外借搵錢清債的機會,認真坎坷。

阿澤日前接受now102台《海琪的天空》訪問,剖開心扉無所不談,大病初愈的他不諱言曾接受醫生建議打坐養病,結果一度呼吸不協調,自己亦以為就此一命嗚呼。「歷劫」重生後,阿澤卻打趣懷念臥床的日子:「唔使做,又要咁多人關心,都幾好o架。」徘徊於生死邊緣仍豁達,阿澤歸咎於自己在危機中成長的關係,他說:「鬼叫老竇爛賭,輸咗錢就返嚟搵我哋出氣,我阿媽時不時半夜就拍醒我,一齊『速逃』去時鐘酒店住,我書包經常帶備牙膏同面巾,所以依家我執行李出埠都好叻。」

膝下不值千金

阿澤坦言入行前試過口袋僅得100元,碰上有人邀他試鏡,講明簽亞視有$7,000,簽無綫得$4,750,錢字掛帥的他不考慮便簽約前者,然而到最後仍入不敷支,試過欠租金三個月,當時剛巧王晶用萬多元邀他「下海」拍電影,惟當時公司經理人部主管阻攔,阿澤說:「於是我搵啱機會,台慶頒獎禮當晚我攞咗個『最佳男配角』,我見佢心情好,咪下跪求佢囉,結果佢都心軟答應咗我。我唔覺得下跪有乜問題喎,拍戲成日都要跪人o架啦!」

諒解對方立場

記者事後再致電阿澤,他再三為當時阻攔自己的經理人講好話:「大家立場唔同啫,佢係有權幫我推一啲佢認為唔適合嘅工作,況且當時我仲要拍電視劇,如果甩期點算呢?佢無義務幫我孭呢隻鑊。到依家,我都好感激以前自己身邊嘅工作人員。」另外,訪問中阿澤亦有提及伯樂鄭則士,觸發他鑽研如何當電影監製,令自己享受在片場打滾的日子。

文:影視組