劉嘉玲搵偉仔代言 零優惠

【陳嘉敏上海直擊】相識滿天下的劉嘉玲昨日以董事長兼合夥人身份現身上海,為其投資的三間店舖舉行開幕剪綵,獲鐘錶界美女胡敏珊、內地女星賈靜雯及張梓琳出席支持。嘉玲笑言未試過一天開三間店,她說:「其實三間店已經做緊生意,但今次一齊宣傳,中國太大,跟唔到發展步伐。」她雖不願透露投資金額,但謂:「雖不大,卻亦不少。(只係冰山一角?)唔係,不過我唔係睇得太緊要,有專人負責,我做生意得到好大滿足感,愈做愈投入同有興趣。」嘉玲笑言下一步計劃投資電影,她說:「都有計劃投資電影,但暫時未行到呢步。」

阿B微博祝賀

嘉玲投資生意有道,問她會否叫老公梁朝偉倣效她做生意?她說:「偉仔都好成功,唔係話開好多店就成功,成功有唔同定義。(偉仔有冇做生意?)佢無,佢唔同人打交道點做生意,做生意要同人打交道。(會否搵佢做品牌代言?)手錶可能會搵佢做代言,但係佢好貴,未儲夠子彈。(兩公婆無優惠?)佢值咁多要畀佢,已經打咗好多次斧頭。(偉仔家用畀番你?)呢個另計。」嘉玲又表示不會起用自己擔任代言人,笑言自己年紀不細。」而鍾鎮濤(阿B)亦在微博留言恭喜嘉玲。