李彩華兩男爭住愛

回復單身的李彩華(Rain)收拾好心情到內地拍劇,周旋在內地型男潘粵明,以及台灣偶像朱孝天當中,Rain直言有兩位型男相伴已感到相當滿足,現實中的真命天子只會隨緣待主安排。

女星Rain回復單身後,已收拾心情到內地拍攝新劇《我拿青春搏明天》,與潘粵明及朱孝天合作。劇中李彩華分別與二人相戀,更與潘粵明有場接吻戲,Rain說:「我起初唔識潘粵明,開拍無幾耐就要拍呢場戲,都尷尬o架!好在大家都好專業一Take過冇NG。但係因為我隻唇膏有閃粉,錫完後,佢成嘴都係(閃粉),自己都忍唔住笑。」問到會否擔心傳緋聞,她說:「唔會。大家都係專業演員,佢同太太董潔出咗名係圈中模範夫妻,佢仲係好好先生添。」

朱孝天遺憾冇得咀

Rain表示首次與前F4成員朱孝天合作,坦言過往亦有看過他在《流星花園》的演出,今次合作後二人更成為好友,她說:「我同佢年紀差不多,好多話題都好投契。」Rain笑言朱孝天曾表示遺憾劇中二人未有接吻戲。

問到Rain回復單身後,拍愛情片會否觸景傷情?她表示:「有工作可以忘記一切。有兩個型男伴住我開工已經好滿足。依家唔急拍拖,只好隨緣待主安排。」據知,Rain在內地拍劇,每集片酬廿萬人民幣,片約仍然不斷令她分身不暇,她說:「因為每部劇戲份好多,同一時間只可拍一部,喺揀劇本時要更加小心謹慎。」

文:影視組