城城預告車Lynn任人影

城城前晚特地從北京趕返香港出席太陽眼鏡品牌活動，同場還有徐濠縈、文詠珊、何思諺、周汶錡等。城城說個人收藏百多副太陽眼鏡，最貴一副價值十多萬港元。問到可會戴情侶太陽眼鏡？城城說可以考慮，若見到靚的女裝眼鏡也會買，至於送了多少副給Lynn？他即說：「唔講啦，我好低調。」

第一個乘客

為轉移視線，城城說：「講個秘密你哋知，我訂咗部紅色開篷車獎勵自己。（咩牌子？）都係有隻馬嗰架（即法拉利），我生日嗰日就落地。（會用新車接載Lynn？）朋友都載。（第一個載Lynn？）唔知，朋友都載。（除咗Lynn，唔載其他女仔？）好朋友先載，異性朋友例如同事、經理人。（Lynn有冇要求做第一個乘客？）冇喎。（你識做？）我冇咁細心。」

熊黛林	徐濠縈（右）與周汶錡同出席活動。

再追問他Lynn會否是新車的第一個乘客？城城即鬼馬地說：「畀你影到咪係囉，影到都冇所謂！」似乎不介意公開關係。

另外，Lynn近日獲邀擔任護膚品代言人，高興有護膚品贊助。Lynn向來特別注重眼部護理，尤其喜歡大眼睛的男生，認為大眼男生除了看上去樣貌較精神，人品也較為可靠誠懇，是她揀偶條件之一。她笑言：「我同另一半都有大眼睛嘅話，將來嘅愛情結晶品都會擁有一對迷人電眼。」

文：名人組