周志文認翻撻CoCo
巨聲幫周志文、許廷鏗、胡鴻鈞昨日出席環保活動時大展歌喉，周志文回應與o靚模女友袁聖殷（CoCo）去泰國旅行時全程由她負責旅費，他說：「我哋係AA制，（CoCo包你？）感情唔係關於錢。」CoCo承認他們在泰國時是同房，但他和CoCo口供明顯不夾：「梗係唔係。（CoCo話係？）可能係溝通上有問題，佢講錯咗。」說到CoCo在微博上大呻去度假好累，周志文尷尬表示：「我哋成日去shopping，又周圍觀光同食嘢，所以先咁攰，我哋玩得好開心。」
問他們是否翻撻？周志文說：「我哋之前真係有分過手，不過大家冷靜溝通咗OK。（畀名分？）呢段關係依家唔係好穩定，希望好穩定先講。」他又表示有跟CoCo談論過有關報道，覺得男方要主動出來解釋，公司亦給予好大空間。