黃榕斬股 無助入書展

黃榕前日為其寫真集到東區法院的淫審處，希望可以堂堂正正入書展，但她沒有帶齊淫審處要求的三本實物及足夠資料，最終無功而回。

昨日，黃榕依足指示，準備好三本以半裸作為封面的寫真及資料再到東區法院，經淫審處評定後，最終被列為第II類物品，不能入書展，黃榕說：「個封面本來見Pat Pat，已Cut咗Pat Pat位，變咗半裸，但都被列為第II類，佢哋話第I類先可入書展，想入就要抽起佢哋認為唔得嘅相，出潔淨版，我覺得如果咁樣冇意思！因上年半裸，今年想有突破所以全裸，如果要抽起改頭換面就好可惜。今年本寫真係同攝影師好友出，用咗十幾萬，會覺得嘥心機，但我又好唔想放棄書展，因為好多宅男會去，所以依家好掙扎。」

黃榕去年在書展成功招攬大批宅男粉絲。

澳洲新八模Toshika（左起）、Amy及Wendy行高貴路線。

澳洲新八模賣高貴

此外，另一隊會推出寫真的澳洲新八模，成員Amy、Toshika及Wendy等到1000円放題鉄板燒肉店活動，她們笑言出寫真贏在人多勢眾，賣點是成員全都是「澳洲友」。Amy坦言出寫真是為了入娛樂圈，至於有冇留意其他𡃁模對手？Toshika表示不會擔心：「我哋主要係賣高貴嘅性格，而且本寫真喺悉尼拍，有好靚嘅景。」她們透露寫真最性感的是以比堅尼上陣，慢慢再大膽演繹，會否「裝假狗」？她們說：「我哋有幾多騷幾多，冇嘅話墊幾多都冇用。」

文：名人組