李蘊厭倦劉謙生日拒見

永遠好朋友

將於下周三書展推出新寫真集的李蘊昨日受訪時，例牌否認發展「地下情」：「我唔需要囉，我同佢（劉謙）係永遠嘅好朋友，（咁你哋係咪分手？）我都冇認過同佢拍拖，就算寫分手都好，我唔想繼續炒作新聞。」李蘊謂厭倦跟劉謙再扯上關係，但叮囑傳媒勿抹黑是「好男仔」的劉謙。

望多留身邊

但問到她分手原因？她避談：「唔知點講。」有傳她向劉謙詐嬌，要求男友多陪伴？她表示如有男友，望對方可多留在身邊，不可突然「失蹤」令她缺安全感。至於有傳兩人要低調愛情是怕惹fans反感？她坦言：「我知佢啲fans鬧得我好犀利，我好介意。」

李蘊表示與劉謙是永遠的好朋友，繼續否認對方是男友。

劉謙

另外，同李蘊齊出寫真的內地o靚模，分別有趙雨菲及陳小寶，而本周日，李蘊將帶同陳小寶出席宣傳寫真活動，向fans大派禮物。

文：音樂組