賈曉晨甩拖 黎耀祥叫好

賈曉晨(JJ)早前有傳跟男友沈震軒分手,受盡情傷的她昨出席活動時揚言跟男方再見亦是好朋友,對方仍很關心她,又說兩人開始時間不對,現希望所有事都重新開始,黎耀祥對JJ甩拖竟然大聲叫好!

黎耀祥和JJ昨日在商場內表演魔術「刀鋸美人手」兼錄影遊戲節目《玩轉三周1/2》,談到JJ因與男友分手在微博吐苦水,分手後的她是否仍然傷心?JJ卻不想多講:「希望所有嘢都重新開始,我覺得我未來嘅人生會美好同幸福。依家我嘅心情係開心,其實我好情緒化,我都係喺微博發洩下,發洩完就冇事。」

已有新追求者

至於誰提出分手?JJ不願多提,但就否認有第三者介入:「不嬲都冇嘢,可能當時佢(沈震軒)要宣傳。(有冇開始過?)唔係啱嘅時候,佢事業啱啱起步,我就啱啱先穩定,其實我都係想結婚生仔嘅人。(搵個成熟穩重?)睇緣分,我好被動唔會自己搵。」JJ大讚男方係好男仔,大家永遠都係好朋友,她說:「佢都有打嚟安慰我問我咩事唔開心。」現時已有追求者,但JJ覺得他們只是粉絲,不是真心喜歡她。

黎耀祥對JJ分手竟表示讚好:「舊嘅唔去新嘅唔嚟,年輕人分手係好事。(怕佢影響演出?)失手冇所謂,壯士斷臂,反正都已經分咗手,今日個節目係為佢而設。」他有份演出的《紅白鬥》接獲多宗投訴,祥仔承認唱live衰過,吸取教訓下次就會更好。提到表演魔術時有板有眼,祥仔說因為得到魔術大師Louis Yan(甄澤權)教路,問他以前是否靠魔術娶得老婆?他搞笑的說:「當年係我老婆呃我返嚟嘅!」

文:影視組