高海寧尷尬閉氣「濕」吻梁烈唯
高海寧與梁烈唯昨日為《法網狙擊》拍攝咀戲，高Ling需主動撲向唯唯擁抱獻吻，他們為了出來效果好而頻頻咀，咀到大汗疊細汗，二人笑指是真的「濕」吻。他們均表示今次是整套劇最激烈的場面，雖然劇集已拍攝一段日子， 但高Ling仍感尷尬，雖然早已準備薄荷糖，但卻留在車上，只好頂硬上，她說： 「頭先hold住好耐，透唔到氣。因為之前係同梁烈唯同一個經理人，入行識到依家，綵排時已經忍唔住笑，佢同我講我愛你三個字就想笑。」
頻頻咀美女
而唯唯雖然能一親高Ling， 但卻嫌她嘴唇厚，原來唯唯最近成為咀戲老手，分別與不同美女有咀戲，他說： 「呢排我係咁咀，開工唔係錫JJ（賈曉晨）就錫定欣（胡定欣），今日連高Ling都錫埋，（邊個最好咀?）高Ling個嘴唇厚啲，好軟熟，JJ就比較濕，因為同JJ場戲激烈好多，定欣只係錫額頭，佢唔肯錫我個嘴，又唔肯畀我錫佢個嘴，所以唔知。」
另外，唯唯透露最近工作繁忙，雖然缺乏時間休息，但仍會繼續努力。
文：影視組