G.E.M.無牌駕駛 警方未聯絡
鄧紫棋（G.E.M.）昨日到apm商場出席新碟簽唱會，即席為粉絲剷青。問怕不怕剷青look趕走粉絲？她笑言：「咁我知道邊啲先係我真正粉絲，係鍾意我造型定係真係鍾意我啲音樂。」早前無牌駕泥頭車拍短片的G.E.M.，坦言未有警方聯絡她，但與經理人商討後，認為如有需要會協助警方：「拍嗰時有人教揸車，係私人地方，仲簽晒約要自負責任，所以應該冇乜嘢。」
另外，有指G.E.M.新歌涉抄襲，她解釋：「寫嗰首歌嗰時好放縱、好唔開心好大壓力，成日聽Party歌，叫好多朋友上嚟我屋企玩，我唔敢面對自己一個人！放縱過後又重複放縱，後尾喊完先知醒。唔覺得抄，刻意唔一樣，旋律都唔同。（MV抄Lady GaGa？）其實我好耐之前拍MV都用過藍色假髮，我都係抄番自己啫。」