祖兒認熟阿詩抗拒「合照」

古巨基及容祖兒前晚以《紅白鬥》男、女隊長身份落力做騷，祖兒直認以「祖」之名送花籃給在會展開騷的何韻詩：「熟啲咪叫一個『祖』字，唔係咁熟咪叫『祖兒』囉。（係咪你同阿詩嘅暱稱呀？）你話係咪係囉。」對於無綫有擺她及阿詩的是非上枱之嫌，祖兒大方表示不介意，更自認是稱職隊長。她坦言未能跟阿詩同台很可惜，望下年有機會。身邊的基仔搭口稱只要祖兒就阿詩的檔期今年可再做，激得祖兒笑罵他多事又多嘴，更反擊說：「我都有好多嘢想講，如『rain囉』（基仔緋聞助手女友Lorraine）。」祖兒說同公司如同一家人應互相愛錫，基仔依然鬧着玩：「同邊個錫呀？以為你講男友。」祖兒即以大家姐身份謂：「唔好再家嘈屋閉。」