蘇永康50萬歌酬一蚊都唔袋

蘇永康（阿公）於八月與香港業餘交響樂團在伊利沙伯體育館舉行兩場慈善演唱會。他自言對伊館有情意結，因為當年自己是在伊館參加新秀比賽，最後得獎而入行。

這次演唱會是純慈善騷，阿公坦言自己的五十萬歌酬全數撥捐慈善基金：「今次個騷我一蚊都唔袋，請嘅嘉賓、整頭化妝全部都係仗義幫忙唔收錢！」向來貪靚的他更為慈善，唔玩花巧嘢：「成個騷我只係換兩套衫，亦唔會特登谷肌，我想重點係籌款幫人。」

阿公指自己曾經犯錯，現在有能力亦希望幫番有需要的人。

阿公與女友Anita拍拖7年感情穩定，他笑言唔急結婚。

阿公除了將善款用來興建學校外，更會幫助釋囚重新步入社會。他重提02年在台灣涉嫌藏毒而還押勒戒所：「自己曾經都犯過錯，好彩好多人畀機會自己，所以依家有能力，都會畀番機會啲更生人士！」

唔恨結婚生B

視買衫為最大興趣的阿公亦笑言不會因為慈善而買少啲衫：「我係天秤座，所以做嘢識得平衡，我會兩邊都兼顧到嘅！」

問到阿公會否與拍拖7年的女友結婚生子？他說：「又唔係未結過，佢（女友）又唔急住結婚，加上啱啱升職，佢得番好少時間喺香港。」他亦說暫時沒有「造人」計劃：「我已經過咗生BB嘅衝動！」

髮型：MO

場地：壹玖捌叁Hong Kong Cuisine

文：音樂組