張美妮見男友劈腿喊到跪低
最近在劇中飾演被老公蝦兼被瞞包二奶的無綫藝人張美妮，原來真的試過遭到情騙，美妮指當時的打擊，可以「天昏地暗」來形容：「當時已經興玩相機，點知睇睇吓相發現佢同女仔嘅親密照！當時個腦空白晒，啲景物好似圍住你轉圈咁，嗰陣真係喊得好犀利、好痛苦，仲喊到成個人跪低咗！」
最終美妮鼓起勇氣致電男友揭破背叛真相，回首當年情，美妮慶幸因有經歷才可豐富自己的演技：「其實好多人生經歷都可以套用喺戲中。好似有個角色係話我經營餐廳不善，我就諗起父母以前開餐廳因加租被迫退休，將件事諗衰啲，想像父母好唔開心同我講冇得做餐廳，以培養情緒！」
攝：林楠 場地、髮型：Sigo@荃灣