鍾蕙芝升呢貴氣行善

年前憑養眼身材火速上位的鍾蕙芝，沉寂一排又重出江湖，除了密密以「自由人」姿態出席活動外，近來更獲慈善寫真出版商睇中，偕十多名內地模特兒前赴北京拍攝慈善寫真，一眾內地模特兒只獲分配一個造型。

兩個造型 各有故事

身為香港代表的她，分外被看重，分別以水手及性感小紅帽兩個造型示人，造型由髮型、化妝以至服裝都達專業水平，Lavina簡直覺得夢想成真：「香港寫真嚟嚟去去都係影沙灘水着，今次走High Fashion路線，團隊製作認真，連道具製作都一絲不苟，每個造型都有故事性！」

由於今次寫真用作慈善用途，Lavina只收了「慈善價」，近來她頻頻出席公開活動，有人認為她此舉為宣傳寫真，她再三澄清：「其實影寫真前我都有出席活動，只係冇畀人報道出嚟，咁啱最近見報多咗，啲人以為我別有用心，其實寫真嘅收益同我冇關係，我今次係覺得件事有意義先影，唔係為咗宣傳自己。」

Lavina否認為博宣傳而爭取曝光。

放大圖片

對於又被傳整容，她直言幾乎每個藝人都被人傳過，這個話題已開始Out，她表示只是因為自己身形瘦了，跟後期加工無關。

文：專案組

攝：秦健輝

服裝：ROXY