諸葛紫岐 怨HotCha霸資源
「薛王妃」諸葛紫岐（Marie）昨日以老闆娘身份，與老公薛嘉麟旗下的HotCha成員Winkie和Crystal一同行騷，雖然Marie表示與二人老友鬼鬼，但她仍不忘撒嬌公司偏心，將資源全投放在她們身上。
昨日Marie為時裝展擔任模特兒，與HotCha成員Winkie和Crystal一同行貓步。Marie穿上集皇室與運動設計的服飾出場，造型趣致。兩女與老闆娘同場行騷異口同聲表示十分緊張，幸與Marie關係良好，還獲她提點行騷秘訣。
行騷表現99分
問兩女Marie可是魔鬼教練？她們不約而同表示Marie循循善誘，大家就像朋友般；而Marie則謂不用開工時會約二人出來食飯及行街，早已視她們為妹妹。Marie被問到兩人的表現，她大讚有水準說：「佢哋今次行騷表現有99分，還有一分嘅進步空間。」
拒跟法拉相比
另一方面將進軍歌壇的Marie，在唱歌方面是新人，被問到將出唱片會否反請教二人？她即故作撒嬌說：「都唔知幾時？公司啲資源放晒喺佢哋身上，搞晒佢哋出完先到我，不過佢哋跳舞真係好勁！」對於「妯娌」陳法拉被公司捧為一姐，跟她同為一姐？Marie聞言即說：「我唔係一姐，公司咁多人才，未到我。」至於造人計劃可有好消息？她笑着說：「未，有就通知大家。（鍾意仔定女？）仔女都冇所謂。」在旁的HotCha即幫拖說：「呢方面急唔嚟。」
文：名人組