劉倩婷電丞丞 蜜報衫情
前港姐冠軍劉倩婷趕搭尾班車做「龍年新娘」嫁李丞責，日前劉倩婷偕母親到婚紗店試晚裝，其母為女兒整理衣服時不經意露出澎湃上圍，身材絕不比女兒遜色。期間劉倩婷一臉甜蜜傾電話，似向未婚夫報告情況！
無綫龍年旺嫁娶，繼多位小花包括姚樂怡、周家蔚及文頌嫻等先後嫁作人妻後，09年港姐冠軍劉倩婷（Sandy）早前亦宣布做「龍年新娘」。今年二月，堪輿學家李丞責秘密安排一幕「神秘求婚」，成功「求」得美人歸！兩口子一直忙於工作無暇籌備婚禮，至上周，Sandy與母親現身數碼港婚紗店，惟未見未婚夫李丞責蹤影，她們在店內不停挑選晚裝，又密密斟，揀了良久都未下定主意。
逗留了約半小時後，Sandy已揀了十多套晚裝，左揀右揀下似乎情傾一襲火紅色露肩拖地裙，試着後不停照鏡，狀甚滿意，而其母亦揀了件露肩晚裝，兩母女立即找人為她們拍照，其母更細心為Sandy整理衣服，豈料俯身時竟不自覺顯露其豐滿上圍，身材拍得住港姐出身的女兒！
曾當模特兒
試着一輪後，Sandy突然行埋一邊煲電話粥，笑得甜蜜，似跟未婚夫報告試衫狀況。她接受本報電話訪問時透露當日主要為了陪母親揀衫，提到其母身材有睇頭時，她直言母親年輕時曾當過模特兒：「佢仲考慮緊會着邊件，佢比較保守同怕醜，唔想太性感，有人讚佢身材好可以試吓着吊帶，佢都話接受唔到！」至於婚禮會於下年二月舉行，應該趕不及生「龍B」，她笑言：「邊生得切呀！想去旅行過吓二人世界先！」
文：專案組