陳華鑫無懼三叮名留青史
《2012香港小姐競選》14位港姐候選佳麗及兩位已被淘汰的佳麗、陳華鑫及鍾麗，昨日在將軍澳電視城，為「旅遊大使獎」選舉進行抽籤。陳華鑫對於被傳獲高層欽點「復活」，她說：「我覺得自己復活機會一半半。我唔擔心被人傳（被欽點），不過我若果入圍再被叮，成為『三叮佳麗』，真係名留青史。」而鍾麗則說：「平常心，我之前被foul過，已經冇特別感覺。（慾照令你復活機會低？）評委冇問過，我亦冇為呢件事特別解釋。」
另大會監製陳旭亮、統籌余詠珊及副統籌陳家揚見傳媒，陳旭亮說：「14日會有節目出街，會收集民意，睇大家覺得應唔應該畀佳麗復活，然後會加埋我哋三個同樂易玲小姐畀嘅分，16日會公布有冇得留低，同時宣布第4位直入決賽佳麗。」陳家揚則稱已聯絡王晶及陳百祥，他說：「佢哋基本上答允咗做一part，度緊形式。」