劉俐戒蒲 有拖唔拍

因擔任Sing之天使「藍莓」而為人熟悉的劉俐，近日看似沉寂了不少，但原來正忙個不亦樂乎。憑藉甜美樣子及高挑身材，藍莓不時有演出劇集機會，近日先後忙於拍攝《金枝慾孽貳》及《情越海岸線》，藍莓直言希望能在演戲方面有更大發揮：「我暫時都未試過有感情線，希望好快有啦！（點解咁恨？）想多啲機會發揮，其實我都好想試吓拍電影。」

開戲冇下文

劉俐自爆現時有數名追求者。

錢國偉緋聞纏身，劉俐笑言對方未玩夠。

由於藍莓與錢國偉導演分屬友好，問到經常有戲開的錢國偉為何不預她時，她即笑謂：「其實有㗎，佢之前拍《喜愛夜蒲2》，話有個角色非我莫屬，仲同我講：『藍莓，冇咗你唔掂喎！』不過後尾件事冇咗下文，我都覺得好可惜。」談到錢國偉近日緋聞纏身，藍莓笑謂：「佢係一個大細路，我覺得佢未玩夠。」

談到感情生活，藍莓直言現時有數名追求者，但仍處於單身階段：「我好被動，唔會點搵人，啲男仔成日send短訊埋怨我冇影，其實我係要做好耐朋友先會諗拍拖，太急進會嚇親我。」

在家陪愛犬

予人感覺愛玩愛熱鬧的藍莓，直言以前真的非常貪玩，「逢call必到」，但現在卻變得十分深閨：「自從上次拍拍吓劇要入院，我就知大件事，依家冇咩事都會盡量留喺屋企，煲吓湯煮吓啲有營養嘅嘢食，調理下身體。」藍莓因為有隻芝娃娃狗仔，一日不見便會心掛掛，所以亦多了在家陪伴愛犬。

文：影視組

場地：Mistro restaurant