糖妹出寫真糖兄倒米

組合糖兄妹昨日出席活動，他們表示將推出新碟，碟中更會預告糖妹的個人散文連相集，糖妹透露相集於溫哥華取景：「影嗰陣仲畀人笑似溫碧霞，但low cut已係我極限。（點同裸露o靚模鬥？）我唔係走呢個路線。」問到拍檔糖兄會買糖妹相集還是o靚模寫真時，糖妹表示會送上簽名版予對方，糖兄聽後即倒米說：「咁買另外嗰本！其實我少睇寫真，睇吓點先。」之後糖兄又寸糖妹身高與o靚模相距甚遠。至於男友Dominic可有率先看相集？糖妹謂有高人下旨不得講私人事。