葛民輝夜麻麻數銀紙

葛民輝日前深夜時分獨自開車到跑馬地，泊好架靚車於路邊後，快步落車到附近的櫃員機取錢，阿葛夜麻麻撳了一大疊銀紙，繼而更小心地即時在燈光下逐張逐張數清楚，對啱數先離開。向來愛車的阿葛返上車後獨自一人遊車河，安全至上的他未有因為夜深車少而極速駕駛，優哉游哉地享受駕駛樂趣，及至去到淺水灣僻靜處，阿葛突然間落車吹住海風抽煙沉思，未幾再上車左兜右兜唔願返屋企。