Iris要靚仔 唔吼林忠豪

鍾采羲（Iris）昨日穿上小背心出席手機活動，E Cup上圍誇張得呼之欲出，把同場的𡃁模給比下去，搶盡「峰」頭！事後她解釋是因為胖了，才令身材較之前更豐腴。

對於早前被本報拍到跟莊思敏舊緋聞男友林忠豪晚膳，問是否多人約食飯以致發福？她就笑着否認，還否認跟對方拍拖，坦言有為這單緋聞感到不開心：「怕嚇走想追我嘅男仔！朋友唔係男就女，咁啱佢係男嘅，所以畀人誤會！真係怕追我嘅人會誤會。（怕又同人約會？）識咗佢好耐，嗰日唔止我哋兩個。」

Iris本月中被本報拍得在山頂約會。

o靚模Mei Mei（左起）、林宜芝、Celia均打扮性感，但Iris仍搶盡「峰」頭。

鍾意陳坤霆鋒

再三強調怕被誤會的Iris更直言：「我上年都講過就快dry到性冷感，好恨拍拖，內心好空虛！但對方真係唔係我杯茶。」還請對方食檸檬說：「一定冇可能發展！佢條件咁好，咁多女仔鍾意，但佢真係唔係我鍾意嘅類型，我鍾意靚仔㗎！最鍾意謝霆鋒同陳坤，一定要揀，我會揀陳坤，佢單身嘛。（霆鋒夠單身啦？）我都係栢芝fans。」

子珊面對眾o靚模，以性感打扮「膊」搶鏡。

方大同西裝骨骨出席活動。

子珊暴脹緊膚

同場另有徐子珊和歌手方大同等，穿上tube dress的子珊透露不愛自拍，因怕尷尬和覺得好自戀，並自嘲是「電話白癡」，一部手機可以用很久，故此就算拍拖也不會刻意使用情侶手機。現場所見，子珊的臉部肌膚比之前緊緻，問她原因，她即反問：「點解？點解？係咪肥咗咋？之前食多咗嘢，可能咁所以脹咗。」此外，子珊見到同場的盧海鵬後表現雀躍謂：「見到鵬哥好開心，好希望可以合作，唔知佢仲會唔會返TVB拍戲？就算唔返，希望可以合拍電影啦。」

文：名人組