糖妹彈結他 好多朋友聽過

組合糖兄妹前晚假九展開騷,糖兄的未婚妻甜蜜捧場,但就不見糖妹男友Bro 5成員Dominic,糖妹說:「佢唔嚟,呢排多嘢做唔係成日見。」為了演唱會她苦練了三、四個月結他自彈自唱,問男友有冇聽過?她避忌說:「好多朋友都聽過。」

由於提到男友時糖妹全以「好多朋友」代答,笑問男友是否被降呢變「好多朋友」?糖妹笑說:「好呀,我鍾意,呢個名好新穎。」另外,糖妹稍後拍新劇要着泳衣,她表示外面會穿背心短褲,問「好多朋友」會否監場?她笑說:「跟無綫做嘢冇得監場。」