Lavina變臉多工作

o靚模鍾蕙芝(Lavina)小休一段時間,近日以「V煞臉」重返娛圈。昨日雖然懸掛一號風球,但她依然穿火辣比堅尼出海拍攝泳衣廣告,酬勞高達六位數字。Lavina透露現時工作不絕,問是否變臉後工作亦變得順利?她說:「我冇變臉,我塊面同個鼻依然咁大,同埋自己接受唔到整容,因為我見過有同行失敗咗好大鑊,有好大撻疤痕。不過我之前試過打botox,因為唔使開刀,貪得意試吓。」她又稱舊公司太多o靚模,未能分配資源,現在自由身的她開心自己話晒事。