黃婉曼面尖欠貴格急增肥
最近變得鼻直面尖的「天氣女郎」黃婉曼（Icy），昨日出席賽馬日活動時否認整容，她解釋變臉是減肥所致：「我瘦咗好多，所以面尖咗。朋友話我面太尖冇嚟貴格，女人條命緊要啲，我決定增肥。」期間她不停用手按壓下巴及鼻子來證明未有整容。
對於有指她曾揚言「唔整點會紅」，Icy同樣否認：「我一定唔會講呢啲嘢，我之前報告天氣都唔係靠個樣紅。（咁你有冇整過？）箍牙都算整容。啲人攞以前嘅相嚟比較，我依家比起高峰期瘦咗20磅。可能我以前好唔靚，所以大家覺得我同以前好唔同。（有冇後悔？）我朋友話靚係冇罪，我會努力變靚，keep住做facial。」其後又搞笑地說：「如果大家覺得我變得太多，對唔住囉！我會肥番啲。」
