朱慧敏 黎諾懿鬥氣冤家互寸
無綫花旦朱慧敏（Queenie）與小生黎諾懿首次飾演銀幕情侶卻「寸爆」對方！港姐出身的Queenie今次飾演法律界女強人，她說：「我喺處境劇《愛‧回家》飾演一個曾經選美嘅律師，成日被人質疑我係靠美色上位，所以我好保護自己，予人一種高不可攀嘅感覺！」飾演「Hea爆師爺」的黎諾懿即寸嘴說：「佢真係高人一等！本身已經好高，仲成日着對高跟鞋，我強烈要求佢着平底鞋同我演對手戲，哈哈！」
不甘被寸的Queenie即反指黎諾懿為人太「Hea」，經常一放假就「潛水」：「佢同個角色一樣練精學懶，現實中我就接受唔到咁嘅男朋友，哈哈！」諾懿即為自己平反：「我除咗工作，一定會預留時間拍拖、relax吓，否則個人會好辛苦！」
服裝：I.T