江若琳傻MV 床戲呻可憐

江若琳（Elanne）近年暫別香港樂壇而轉戰影視界成績不俗，演技備受讚賞的Elanne得影迷追捧，但Elanne對其歌唱事業仍念念不忘，因而於去年年底轉新公司後加入星煥國際，正式向外界宣布於樂壇重新出發，實行發展多棲事業搵銀，並表示其個人最新專輯將於七月底推出。

Elanne日前為新歌《我們都傻》拍攝MV時，解釋此歌為老友兼原唱楊丞琳（Rainie）的廣東話版。Elanne跟Rainie一向都老友鬼鬼，因此Elanne對於唱片公司老闆特別挑選了好友的歌給她唱而感到興奮：「好鍾意呢首歌，能夠唱到好朋友嘅歌，都覺得呢一切都係緣分！」

重視機會

在音樂路上重新出發的Elanne，直言很緊張重視是次機會：「自己真係好鍾意唱歌，近排一有時間就會去搵唱歌老師上堂，希望嚟緊隻新碟可以帶畀大家一個唔一樣嘅自己。」她又透露新歌的MV主題為一段像火花般的愛情，熱情如花火燃燒過後給當事人留下了心痛。

MV拍攝時，導演選擇於室內的一個家居環境拍攝，當中有很多畫面都以Elanne的close up表情交代主題故事，演技熟練的Elanne笑說：「拍MV嗰時已經有床戲，不過係孤獨一個人嘅床戲，好可憐！」

文：音樂組