鍾楚紅復出擔心冇觀眾
近年揚言不會復出拍戲的鍾楚紅（紅姑），只選擇性出席公開活動，為滿足戲迷對女神的思念，ontv當然不會錯過任何直擊紅姑的機會！紅姑日前以晚裝襯逾500萬元鑽飾出席法國殿堂級珠寶品牌CHAUMET新店開幕暨「皇冠工藝展覽」，期間她頭上近300萬元的王冠上的鑽石跌下，幸得商場高層為她拾起！紅姑笑言鑽石最堅硬，不擔心會跌壞。
此外，她透露陳慧琳經理人鍾珍會在工作上協助她，問到是否復出拍戲？她說：「我怕冇人睇！（唔抗拒拍戲？）隨緣。有冇人拍環保嘅戲？耕田都得，我鍾意種嘢！（做媽咪角色？）我驚唔識湊喎！」