Kellyjackie自爆患抑鬱症

如果提起迪士尼，相信對於創作歌手陳曉琪（Kellyjackie）一定不會陌生！因為她七年前就是憑《他約我去迪士尼》一曲而為人熟悉！所以是次《娛樂onShow》亦大搞新意思，並與俞詠文（Angela）一同暢遊迪士尼樂園，除了邊玩場內的機動遊戲外，更邊大談七年人生！

合約問題阻前路

Kellyjackie和Angela率先跑到了「玩具兵團跳降傘」大談高低起跌，Kellyjackie回想起7年前的她感覺像發夢一樣：「冇諗過等緊放榜都可以出碟，之後仲拎咗十大中文金曲作曲人同金曲金獎！」不過好景不常，她的事業並無因此而穩步上揚，在2006年遇上人生低潮，與前經理人公司合約問題，令她對前路及工作去向迷惘。她說：「當時唔想家人擔心，有段時間係將自己收埋，而有一次我起身嗰陣仲偷偷地見到屋企人查字典去Check啲律師信，令我覺得更對佢哋唔住！」

匿埋屋企唔見人

其後，她們就坐在機動遊戲裏繼續大談患上抑鬱症的經過，誰知她們聊天不久，遊戲就隨即開始，被升起的二人尖叫不絕，訪問更一度中斷。玩完遊戲後，Angela就打趣地說：「抑鬱症好番晒！」

而Kellyjackie High爆過後，亦續說在低潮時刻，她說：「當時成日困自己喺房，一日講唔夠十句嘢，不過有團體搵我表演我又唔覺得攰，但返到屋企又會好驚見到人，而喺呢7年入面，真係好多謝支持我嘅家人、朋友同網友！」

文、攝：專案組

髮型：Ken Hui@ii Hair & Nail

服裝：Peppermint, iicentral

場地：Hong Kong Disneyland