傅嘉莉獲劉青雲補課
模特兒傅嘉莉首次做重案組探員，做個豪氣警察，更有影帝劉青雲教做戲，難怪成功脫離平日的少女角色，令人眼前一亮！
總令人感覺弱質纖纖的傅嘉莉（Kelly），在新片首次成為重案組探員，與平日拍廣告的模特兒有天壤之別。她特地搵資料，留意當警察朋友的一舉一動，她說：「做重案組探員感覺好tough，平時拍戲成日都做少女角色，今次終於可以試啲新角色！以前啲角色都比較切合自己，好着重心理，情緒各方面都好唔同，好似CID行步路都唔同啲喇！」
鏡頭外助入戲
與影帝劉青雲合作新片《追凶》，Kelly感激對方「出手相助」：「佢拍完自己嘅戲份，補拍我個close up都會繼續喺鏡頭隔籬畀個眼神我，幫我入戲！有時我拍完一個鏡頭，佢都會畀啲建議我點做會好啲；佢知我拍戲經歷少，話每個人都會經歷新人階段！」
大讚特技化妝
今次Kelly大部分戲份於泰國取景，當時正值發生巴士炸彈事件，幸好全程有泰國工作人員陪伴，但她在空餘時間都不敢離開酒店。不過Kelly感覺最深刻反而是當地的特技化妝，她說：「喺化妝室經過見到啲扮死傷者嘅化妝，都以為係真嘅，估唔到當地特技化妝真係好好！」
在片中，她有幸與內地演員王寶強合作，她表示雖然大家不多對手戲，但主動向對方請教演戲心得，亦特別聘請私人教師「補課」，希望能外貌與演技並重。
採訪：專案組
攝影：劉志源
服裝、場地：ZUCCA@I.T
化妝：Kylie Chan