鍾一憲：好惡心
歌手鍾一憲（Jason）屢傳斷背，繼被爆跟空中少爺在沙田同居後，昨日本報收到讀者踢爆他的情史，指他的疑似同性舊愛叫Gregory，現於黃埔某咖啡店工作，還附上多張二人「黐頭芒」合照，其中一張更是Gregory的激凸泳褲相，十分出位。
圈子唔同少聯絡
本報記者就此致電Jason求證，他澄清跟Gregory只是朋友關係，大家跟同一歌唱老師，認識了很多年，他說：「自己入行後生活圈子唔同，同佢已經好少聯絡。」他謂不清楚對方是否基民，問是否求愛不遂被整蠱？Jason說：「佢都冇追過我，以前大班人一齊遊船河，有影過泳褲相，佢成日喺facebook擺自己激凸相，好惡心。」
Jason強調自己不是基民，對於常被傳斷背，他說：「好煩！我有同女仔出街，只係大家影唔到，不過我依家冇女朋友，好純潔，哈哈！」至於林以諾牧師將同性戀跟罪行相提並論，他狂插：「荒謬！唔好刻意抹黑人，河水不犯井水，佢係牧師咁講會誤導人，同魔鬼冇分別。」
文：音樂組