薛凱琪處女賣舞 瘀到爆

下月舉行處女個唱的Fiona日夜加緊排舞，她在微博上載傷痕纍纍的玉腿照，滿布瘀痕，我見猶憐，她笑說：「其實跳舞時已經好小心，但啲瘀痕一撻撻散咗又有，可能係排舞時跌落地，或者同dancers撞到，我一向唔怕痛，好跌得，所以冇感覺。」平日沒有穿絲襪習慣的Fiona，擔心演唱會時醜腿曝光，她說：「補妝好易甩，依家諗緊使唔使同設計師商量，搵啲絲襪配襯下。」Fiona笑言為避免玉腿增添傷痕，最近連最愛的踩單車運動都暫停，惟有做gym頂癮。

不乏身體接觸

今次舞蹈部分，Fiona將與dancers有不少身體接觸，她直言沒所謂：「其實等同拍戲一樣，身體接觸都係藝術一部分，最緊要件事係恰當！」Fiona早於半年前開始學舞，她笑言不敢評分：「打分呢啲留畀入場觀眾去評，（手腳靈敏咗？）一定有，仲幫到拍子唱快歌，容易記歌詞。」

方大同談經歷

日前，Fiona跟緋聞男友方大同為《音樂動起來》做嘉賓，節目中大同剖白入行經歷說：「當初入行，公司聽到我嘅demo後雖感興趣，但覺得香港巿場好少我呢種風格嘅音樂，唔知點幫我定位。」經過三年多的摸索，他才正式出道。Fiona就感激大同一直給她支持和鼓勵，早前自揭曾患抑鬱症的她說：「有人讚我有演戲天分，只不過係我每次都假戲真做，我唔識得演戲方法，只知道觀眾鍾意真實東西。」

文：音樂組