高海寧從良 咪咪抖抖
「無綫咪神」高海寧性感形象深入民心，過往多演情婦、第三者賣弄風情的角色。今次她於新劇獲監製破格起用，為女神度身訂造見習檢控官的正氣角色，咪神終可以從良。
形象惹火的高海寧過往受到先入為主所限，所演角色盡是風情萬種，靠身材樣貌吸引觀眾視線。今次她在新劇《法網狙擊》有新嘗試，獲監製文偉鴻賞識，不需再拋胸騷「吸睛」，以其真實性格為藍本，度身訂造見習檢察官角色。
個性真誠活潑
高海寧非常感激文偉鴻提攜，她說：「好多謝監製今次搵我做呢個角色，之前唔係做情婦就係做第三者，監製話睇到我主持飲食節目，覺得我都幾活潑、個人好真誠，可以做到其他角色，所以就度身訂造咗一個好似我嘅角色。」
不介意男友矮
為報答監製「破格」起用，高海寧當然要做好本分，不停看與法律題材有關的劇集，例如《壹號皇庭》系列、《律政新人王》等。高海寧於戲中與梁烈唯飾演一對，兩人經常鬥氣而擦出愛火。外形上，高海寧看似高過梁烈唯，問到現實中可接受身形矮過自己的男友﹖她說：「咁又冇試過男朋友矮過我！不過身高唔重要嘅，最緊要係順眼。同埋梁烈唯高過我嘅，我平時着咗高踭鞋。」
文：影視組
攝：劉智源
化妝：Christy Lam
髮型：Kelvin Koo
服裝：MURUA
場地：EL CID 西班牙餐廳