57歲羅大佑 8月做老竇
台灣著名音樂人羅大佑下月底在港舉行一場演唱會，昨日他接受查小欣錄音訪問，透露將在八月榮升爸爸：「係女嚟，做完個唱會留喺香港陪太太坐月同入產房。（剪臍帶？）我剪過，以前我做過醫生，幫好多人接生。」問到有否為太太做產檢？羅大佑說：「自己做唔好，摸吓個肚就得。（係咪好興奮？）緊張多過興奮。」
問到已經57歲的他為何現時才生B，羅大佑抵死表示：「去到呢個年紀會諗我可能都得得哋，試吓嗰個地方得唔得，證明自己係咪男人。（改咩名？）小羅，仲未取到名。」他坦言雖不是嚴父，但絕對不能縱容囡囡。