陳小春爆伊健度期結婚
陳小春昨日在電台訪問後，向記者爆料好友鄭伊健已向他「度期」準備婚事：「佢（伊健）一早就應該要結啦！我知道佢有呢個動作（結婚）㗎啦，佢都問我攞期！（即係幾時結？）都係八月演唱會之後。」小春亦說伊健結婚會在所不惜出力幫忙：「佢叫我擔遮我都會擔！」
問到太太下星期生日將會怎過？小春說：「我哋會出埠慶祝！（禮物呢？）我成個人都送咗畀佢做禮物啦！」他亦透露出埠期間努力「造人」，坦言最近壓力甚大！
對於小春稱伊健向他度期結婚，伊健的經理人林珊珊表示：「我都未知喎，等我即刻打畀陳小春問吓佢先。」