Naomi讚靚靚無架子
無綫藝人李思捷緋聞女友Naomi（馮鎵瀠）最近與袁詠儀（靚靚）合作新片《愛情達人》，早前兩人到尖沙咀名店拍攝，講述飾演盛女導師的靚靚教Naomi置裝，吸引不少途人圍觀。Naomi大讚影后級的靚靚全無架子，對新演員非常包容：「佢好平易近人，會主動請大家食嘢飲嘢，又會教我哋睇機位，容許我哋啲新人練習多幾次。」當日Naomi卻在靚靚面前發生瘀事，拍攝一場換衫戲時，Naomi竟撞向試身室的鏡子，笑爆全場，連靚靚亦笑晒叫她不要再那麼烏龍，Naomi說：「我試過喺片場唔見電話又着錯衫，我真係幾大頭蝦，靚靚都叫我小心啲。」
