周奕瑋佩服鞏俐有量度
無綫娛樂新聞台主播周奕瑋（Jarvis）早前被派往採訪康城電影節，由於今年中外嘉賓眾多，令他忙得喘不過氣，加上天氣反常，一時間很難適應，不過回首今次採訪，Jarvis視為不錯的經驗：「最開心係去咗咁多次康城，第一次有機會坐快艇出海，仲有陳嘉桓同陳嘉容兩位靚女陪我去小島晚餐，覺得再辛苦都物有所值囉。」
電影節尾聲Jarvis去訪問「新聞女王」鞏俐，由於牽涉問題相當尖銳，事前令他緊張到牙關打震，猶幸最終順利完成。其實Jarvis過往於不同場合亦曾訪問過鞏俐，想不到對方今次竟一眼認出他，訪問完成後二人更高舉「3」字手勢合照，相當搞鬼：「今次係我第三次訪問鞏俐姐姐，所以一齊影相紀念。佢全程對答好有量度，又談笑風生，呢方面真係學到嘢！」
