港姐(14)黃穎君被指有鋪黐仔癮，日前被指黐港男黃健東及蕭家浩，昨日再有讀者爆料，指她與男歌手譚晴拍拖，經常出雙入對，做婚宴主持，並附上兩人頭貼頭、女方請食波餅的合照。不過兩位當事人齊齊否認，對於被指姣及與對方拍拖，黃穎君說：「冇姣，只係健談，對住男或女都一樣咁多嘢講，冇可能同佢拍拖，大家做主持對稿先畀人誤會出雙入對。」譚晴則說：「唔係﹗冇可能﹗以前做model識，師傅個女結婚先搵佢主持。（佢好姣？）佢係好女仔，好nice。」