黃偉文為B改名exciting

楊千嬅一索得男,各方好友送上祝福,填詞人黃偉文更鬼馬為龍B改英文名為Exci Ting(exciting)。

余文樂:「真係恭喜晒千嬅,聽聞個BB好靚仔喎,之前我日日對住千嬅,唔知係咪會似我呢?!哈哈,我返香港一定先去探咗佢同BB先。」

黃偉文:「我仲未收到通知!(送乜?)我將去巴黎時裝周,順道買一箱高級時裝畀BB;再唔係幫佢改中文名。(中文名唔知會唔會跟族譜改?)咁幫佢改英文名囉,我會改Exci。(有乜意思?)佢姓丁,加埋咪Exciting囉!」

網友紛紛恭喜千嬅添丁,更在網上搞笑地為B仔改名為「丁噹」、「丁屋」、「丁麵」、「丁一聲」等,更有人預先改英文名「Nico Ding」(尼古丁)、「Fat Ding」(翻丁)。

名模陳祉妤(前名陳沛嘉):「我之前已經買咗小禮物畀BB,係一張包被,覺得實用。」

何國鉦(時裝設計師):「上星期已送禮物畀丁子高,特登造咗件絲絨質料BB衫,仲有個煲呔仔。千嬅之前喺微博已多謝咗我,丁生第一次做爸爸,已經請咗兩星期產假,我之前生日佢仲到賀真係好畀面。」

彭浩翔:「恭喜佢!BB一定好似我,因為千嬅好多時間對住我。」

甘國亮:「恭喜晒!但我唔會去探佢住,因為女人都係貪靚嘅,等佢靚靚嘅時候先見人啦。」