王璐瑤無底線 點贏o靚模
o靚模王璐瑤（LuLu）今年決定轉戰寫真界，曾經在電影中有過露點演出的她，比一眾o靚模更加豁出去，誓要「搶點」成功。
LuLu鏡頭前擺出野性甫士，揮灑自若，她說：「我做過4年model，喺演藝讀過1年關於舞台劇嘅課程，喺電影《明媚時光》同《CRY 2》有過裸露演出，今次出寫真集基本上係性感無底線，我有信心可以令人留下印象。（唔介意太暴露？）要有藝術感，其實我拍《明媚時光》時思想掙扎最大，導演同我傾好耐，我考慮咗幾個月，先衝破到心理關口，但屋企人睇咗都好支持。雖然我鍾意拍電影多啲，但我希望可以兼顧電影同model工作。」
曾遇非禮狂
而LuLu為電影的確付出不少，她說：「我之前喺《CRY 2》演被性侵犯女性，當時為咗體會苦主感受，睇咗好多性罪行紀錄片，結果拍完有少少抽離唔到，成日發噩夢，食唔落嘢，後來有次夜歸返屋企，仲真係遇到非禮狂，令我精神困擾咗好幾個月，直至近排先至好番啲。」
採訪：影視組
攝影：沈健程
服裝：The Collectives
化妝、髮型：Sharon Yeung