蘇志威省令禮服店招牌

殿堂級跳舞組合草蜢，以歌精舞勁縱橫樂壇廿多年，三位成員中最有生意頭腦的首推被譽為「蘇老闆」的阿細，早前他投資開辦跳舞學校後，近月再跟友人合資開男士禮服店，開拓另一條新財路。

sell華麗西裝

日前阿細在位於尖沙咀的新店中接受訪問，並充當模特兒展示其店內的西裝。說到開時裝店的念頭？阿細說：「草蜢做《華麗明星賽》嘅節目時，好多朋友都讚我哋啲西裝好靚，問我哋喺邊度買，因為佢哋好難搵到啲又靚又平嘅西裝，嗰時我就諗：『喺喎，不如開間舖賣西裝幫吓朋友啦。」

阿細立心幫朋友「扮靚仔」。

蘇志威做生招牌，其新店面積近千呎。

阿細的時裝舖位於俗稱「婚紗街」的地區，鄰近的店舖主打女性客人，那他的店舖正好盡擸男顧客「食正條水」？「蘇老闆」哈哈笑說：「咁西裝除咗結婚要着外，咁附近都有好多寫字樓，我哋都做埋上班一族生意，唔係只單賣禮服嘅。」

驚畀人話唔得

新店面積近千呎，由於租金相當「乸脷」，阿細笑言：「我唔係做老闆，係為業主打工啫。」問他可因地租貴兼是「名氣」店，服裝價格亦收「明星價」？他說：「絕對唔會！反而因為我係藝人，所以一定要做到收合理價錢，超值品質，容乜易啲人話我啲衫唔得，會影響到我個名架，我開門做生意都係想幫人扮靚之嘛。」

文：音樂組