娜姐約定你 玩轉歐國盃
周秀娜近排頻頻跑步練氣，仲密密咪書同下載歐國盃App，原來係為咗迎接嚟緊四年一度嘅足球界盛事歐洲國家盃。《東方日報》及《太陽報》喺歐國盃期間推出一個叫「歐國波Something」App，娜姐有參與，另外開波前又會喺旺角派號外，仲同球迷一齊喺觀塘apm睇決賽，唔怪得要惡補足球知識啦。
周秀娜同里奧費迪南係Friend人人都知，雖然里奧落選英格蘭大軍，都冇影響娜姐對歐國盃嘅興致，佢將會聯同一班師妹Jeana、Hidy、Annie G.、Hailey C.、LemonBeez成員Waye同CoCo、Rika等，一齊亮相喺iPhone有得下載嘅App「歐國波Something」，同大家講波之餘，仲教大家「女神19式」，點樣喺歐國盃期間同男仔好好相處，個App最勁係有即時賽果同即時新聞，幾時想知道歐國盃發生緊乜事，撳個掣就知道晒，真係要即刻download。
柴娃娃睇決賽
除咗App可以見到娜姐同一班師妹外，六月八日下晝仲有機會同娜姐近距離接觸，娜姐會拍住Annie G同Hailey C，喺旺角大派歐洲國家盃號外《娜‧波號外》，份號外有齊分組賽賽程、16強簡介等，一份在手再加埋個App，做唔到波經名家都起碼做到睇波專家。
娜姐講到明，呢排幾忙都好，一定預留七月二日凌晨歐國盃終極決戰當日乜都唔做，同一班師妹一齊睇波，球迷都有機會同佢哋排排坐觀賞激戰o架。只要上「歐國波Something」個App，參加歐國妹Polling投票活動，揀選你心目中最喜愛嘅歐國妹，就有機會參加喺觀塘apm舉行嘅「我和女神終極決賽約會」，同娜姐一齊睇波一齊玩遊戲，投票愈多，機會愈大。
安裝步驟說明
1.首先在您的iPhone主畫面中找到App Store的圖示。
2.點選App Store圖示便可連接上App Store，按「搜尋」並於搜尋列輸入「歐國波Something」並按「Search」 。
3.找到「歐國波Something」以後，點選即可進入軟體介紹說明與安裝的畫面，點選畫面偏右上方的「免費」圖示，成功點選後將會變成「安裝」圖示，待安裝完成後，「歐國波Something」的圖示就會出現於主畫面中，按下圖示便可啟動，瀏覽「歐國波Something」精彩內容。